23 снежня, Мінск /Кар. БЕЛТА/. Паездка прэзідэнта Украіны Уладзіміра Зяленскага ў ЗША сведчыць аб тым, што Кіеў мае апасенні наконт аказання падтрымкі Злучанымі Штатамі ў будучым. Аб гэтым паведамляе ТАСС са спасылкай на агенцтва Bloomberg.
На думку аглядальніка агенцтва Хэла Брэндса, Зяленскі не прыехаў бы ў Вашынгтон, калі б усё было ў парадку.
Як паведаміў Bloomberg, некаторыя чыноўнікі Пентагона нервуюцца з-за таго, што дапамога Украіне расходуе запасы рэсурсаў, прызначаныя для амерыканскіх ваенных планаў або на іншыя непрадбачаныя абставіны, з якімі можа сутыкнуцца Вашынгтон.
Выдзяленне ЗША Украіне новага пакета ваеннай дапамогі, на думку аглядальніка, яшчэ не азначае, што падтрымка будзе прадаўжацца заўсёды. Палату прадстаўнікоў хутка ўзначаляць рэспубліканцы, якія скептычна настроены ў адносінах да Украіны.
Зяленскі па запрашэнні прэзідэнта ЗША Джо Байдэна 21 снежня некалькі гадзін правёў у Вашынгтоне, сустрэўся з кіраўніком дзяржавы, кіраўніцтвам Кангрэса і выступіў там з прамовай. Да візіту Зяленскага было прымеркавана аб'яўленне аб новым пакеце амерыканскай ваеннай дапамогі на суму $1,85 млрд. У яго ўпершыню была ўключана батарэя ППА Patriot, у склад якой уваходзіць сама пускавая сістэма на грузавым шасі, радар і станцыя кіравання.-0-
