14 ліпеня, Мінск /Кар. БЕЛТА/. Еўрасаюз вядзе перагаворы аб зняцці раней накладзеных санкцый з некаторых расіян. Аб гэтым паведамляе ТАСС са спасылкай на агенцтва Bloomberg.
З патрабаваннем зняць санкцыі ў суд звярнуліся амаль 30 чалавек, яшчэ 10 звярнуліся непасрэдна ў ЕС. Гэтыя асобы прадаставілі інфармацыю, якая паказвае на неабгрунтаванасць увядзення санкцый супраць іх. Юрыдычная служба ЕС паведаміла, што быў знойдзены шэраг памылак і некаторыя заявы павінны быць апраўданы. У сувязі з гэтым у ЕС вядуцца абмеркаванні аб адмене санкцый у адносінах да некаторых расіян.
Паводле інфармацыі агенцтва, ЕС мае намер уключыць у сёмы пакет санкцый яшчэ каля 50 фізічных і юрыдычных асоб з РФ. Зацвярджэнне новага пакета санкцый плануецца на наступным тыдні.-0-
