9 чэрвеня, Мінск /Кар. БЕЛТА/. Многія дзяржавы свету адмовіліся выступаць супраць Расійскай Федэрацыі ў сувязі з яе дзеяннямі ва Украіне. Такая сітуацыя сведчыць аб правальнай палітыцы Вашынгтона і яго заходніх саюзнікаў, паведамляюць РІА Навіны са спасылкай на Bloomberg.
У артыкуле Bloomberg адзначаецца, што Глабальны Поўдзень (размова ідзе аб азіяцкіх, афрыканскіх і лацінаамерыканскіх дзяржавах) не далучыўся да Захаду ў яго асуджэнні канфлікту ва Украіне. Так, у ААН пры галасаванні па расійскай спецаперацыі асудзіць дзеянні РФ адмовіліся 35 краін, сярод якіх Пекін, Індыя і ПАР.
Гэта правал ЗША і іх партнёраў, лічыць агенцтва. Сёння многія дзяржавы свету пачынаюць думаць, што саюз з ЗША бесперспектыўны.
Паказальным стаў і Саміт Амерык, які на гэтым тыдні праходзіць у ЗША. Лідары краін рэгіёна асудзілі спробы Вашынгтона запрашаць на саміт краіны паводле свайго меркавання. Такі правал у мінулым месяцы пацярпеў саміт ЗША-АСЕАН у Вашынгтоне.
Bloomberg адзначае, што Пекін і Масква з'яўляюцца для многіх краін саюзнікамі. Так, Кітай у час пандэміі перадаваў бедным краінам свае вакцыны. Расія пастаўляе ў Індыю і Афрыку збожжа і ўгнаенні. Пры гэтым ні Масква, ні Пекін не навязваюць партнёрам свае каштоўнасці.-0-
