11 мая, Мінск /Кар. БЕЛТА/. У Германіі каля 12 чалавек з ліку супрацоўнікаў паліцыі і выратавальных службаў атрымалі раненні пры ўзрыве ў адной з кватэр шматпавярховага дома, паведамляе нямецкае выданне Bild.
Інцыдэнт здарыўся ў нямецкім горадзе Ратынген на захадзе Германіі. У паліцыю паступіла паведамленне, што ў кватэры аднаго з дамоў знаходзіцца чалавек, якому патрэбна дапамога. Вартавыя правапарадку і ратавальнікі, якія прыбылі на месца, спрабавалі адкрыць дзверы ў кватэру. У гэты момант прагрымеў узрыў.
Абставіны інцыдэнту высвятляюцца. Паводле папярэдняй інфармацыі, узрыў быў ажыццёўлены наўмысна. У паліцыі паведамілі, што восем пацярпелых знаходзяцца ў цяжкім стане.
Да месца надзвычайнага здарэння прыбылі байцы спецназа і снайперы. Задзейнічаны шэсць пліцэйскіх верталётаў.-0-
