ДЗЯРЖОРГАНЫДЗЯРЖОРГАНЫ
Флаг Аўторак, 26 верасня 2023
Мінск Ясна +9°C
Усе навіны
Усе навіны
У свеце
22 сакавіка 2023, 15:59

Беларусам і расіянам будзе забаронена падаваць заяўкі на літоўскае грамадзянства

Фота з архіва
Фота з архіва

22 сакавіка, Мінск /Кар. БЕЛТА/. Сейм (парламент) Літоўскай Рэспублікі адобрыў у першым чытанні законапраект, які прапануе ў ліку іншага спыніць прыём заяў на грамадзянства ад расіян і беларусаў. Разгляд пададзеных ужо заяў, у выпадку прыняцця закона, будзе спынены. Тэкст дакумента размешчаны на сайце вышэйшага заканадаўчага органа Літвы.

Пасля абмеркавання законапраект адобрылі 113 дэпутатаў Сейма, дзевяць устрымаліся, ніхто не прагаласаваў супраць.

У дакуменце агаворваецца і спыненне прыёму заяў ад грамадзян Расіі і Беларусі на выдачу дазволу на часовае пражыванне ў Літве праз знешняга пастаўшчыка паслуг за мяжой. Таксама законапраект прадугледжвае прыпыненне прыёму заяў на атрыманне візы грамадзянамі РФ і Беларусі ў візавых службах Літвы за мяжой, за выключэннем выпадкаў, калі МЗС Літвы выступае пасрэднікам пры падачы заявы на атрыманне візы. Змешчаны ў дакуменце і пункт аб прыпыненні прыёму заяў на выдачу нацыянальных віз грамадзянамі РФ і Беларусі праз знешняга пастаўшчыка паслуг за мяжой.

У дакуменце таксама гаворыцца: "Перамяшчэнне расійскіх грамадзян цераз знешнюю граніцу Еўрапейскага саюза на тэрыторыю Літвы падлягае індывідуальнай дадатковай дэталёвай праверцы". Акрамя таго, прыпыняецца права расійскіх грамадзян і юрыдычных асоб, створаных або кантралюемых імі, на набыццё нерухомай маёмасці, якая знаходзіцца на тэрыторыі Літвы. Выключэнне складуць выпадкі, калі ў грамадзян Расіі ёсць пасведчанне на права жыхарства ў Літве.

Прадстаўляючы законапраект на пасяджэнні Сейма, намеснік міністра замежных спраў Літвы Ёвіта Нелюпшэне сказала: "Мэтазгодна ўстанавіць абмежавальныя меры, звязаныя з магчымасцю для грамадзян Расіі і Беларусі наведваць Літву і ўязджаць на тэрыторыю Еўрапейскага саюза".

Законапраект будзе зацверджаны, калі будзе адобраны ў другім чытанні.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі