ДЗЯРЖОРГАНЫДЗЯРЖОРГАНЫ
Флаг Чацвер, 1 снежня 2022
Мінск Суцэльная воблачнасць -8°C
Усе навіны
Усе навіны
У свеце
13 чэрвеня 2022, 11:45

Барэль заявіў аб неабходнасці прыкласці ўсе намаганні для дыялогу з Расіяй

Жазэп Барэль. Фота Trend NewsAgency
Жазэп Барэль. Фота Trend NewsAgency

13 чэрвеня, Мінск /Кар. БЕЛТА/. Еўрапейскім краінам пасля ўрэгулявання ўкраінскага крызісу давядзецца выбудоўваць узаемаадносіны з Расійскай Федэрацыяй, а значыць, трэба падтрымліваць камунікацыі з расійскімі ўладамі. Аб гэтым у інтэрв'ю французскаму выданню Le Journal du Dimanche заявіў кіраўнік еўрапейскай дыпламатыі Жазэп Барэль, паведамляюць РІА Навіны.

Паводле яго слоў, Еўрасаюзу трэба зразумець, як выбудоўваць узаемаадносіны з РФ у далейшым. Барэль лічыць, што гэта будзе няпроста, але Еўропа павінна весці дыялог. "Неабходна прадаўжаць гаварыць з Расіяй", - заявіў ён.

Барэль таксама паведаміў, што каналы камунікацый з Масквой застаюцца адкрытымі. У сувязі з гэтым ён нагадаў аб рабочым візіце аўстрыйскага канцлера ў Расію, які адбыўся ў красавіку.

Найбольш актыўна кантакты з Масквой падтрымлівае французскі лідар Эмануэль Макрон. Раней ён заявіў, што "нельга прыніжаць Расію", паколькі рана ці позна канфлікт ва Украіне завершыцца, і тады настане час для дыпламатыі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі