11 красавіка, Мінск /Кар. БЕЛТА/. Кіраўнік знешнепалітычнай службы Еўрасаюза Жазэп Барэль пацвердзіў імкненне супольнасці дабівацца ўрэгулявання канфлікту ва Украіне сілавым шляхам і пашыраць ваенную дапамогу гэтай краіне. З адпаведнай заявай ён выступіў пасля прыбыцця на сустрэчу кіраўнікоў МЗС краін ЕС у Люксембургу, паведамляе ТАСС.
"Так, войны выйграюць або прайграюць на полі бою", - сказаў Жазэп Барэль, адказваючы на пытанне, ці гатовы ён пацвердзіць сваю зробленую ў Кіеве заяву аб тым, што вайна ва Украіне павінна быць выйграна на полі бою.
"Мы будзем абмяркоўваць пашырэнне дапамогі Украіне", - прыводзіць яго словы прэс-служба Еўракамісіі.
Жазэп Барэль таксама выказаўся на тэму ўвядзення санкцый супраць Расіі, паведамляе Reuters. Адказваючы на пытанне, ці гатовы ЕС разгледзець пытанне аб эмбарга на пастаўкі расійскай нафты, чыноўнік адзначыў, што дадатковыя санкцыі Еўрапейскага саюза ў адносінах да Расіі магчымы.
"Санкцыі заўсёды на стале, - сказаў Жазэп Барэль журналістам. - Міністры абмяркуюць, якія далейшыя крокі".-0-
