18 сакавіка, Мінск /Кар. БЕЛТА/. Улады Балгарыі з 22 сакавіка на 10 дзён уводзяць строгія абмежаванні ў сувязі з пагаршэннем эпідэміялагічнай сітуацыі ў краіне. Аб гэтым заявіў міністр аховы здароўя Балгарыі Канстанцін Ангелаў, паведамляе балгарскі партал Novinite.
Міністр адзначыў, што сітуацыя з распаўсюджваннем каранавіруса ў краіне пагаршаецца, колькасць захварэлых імкліва павялічваецца. У сувязі з гэтым урад Балгарыі вымушаны ўвесці лакдаўн на тэрыторыі краіны, які будзе дзейнічаць з 22 па 31 сакавіка ўключна.
Новыя абмежаванні прадугледжаюць, што ў Балгарыі будзе прыпынена работа ўстаноў грамадскага харчавання, гандлёвых цэнтраў, кіно, тэатраў, а таксама школ і дзіцячых садоў. Даступнымі для наведвання застануцца толькі аптэкі, банкі і прадуктовыя магазіны.
На перыяд лакдаўну ў краіне не дапускаецца арганізацыя ўрачыстасцей прыватнага характару з удзелам больш як 15 чалавек. Усе калектыўныя і спартыўныя мерапрыемствы ў памяшканні і на адкрытым паветры будуць праходзіць без гледачоў. Групавыя турыстычныя паездкі ўнутры краіны будуць прыпынены.
Паводле апошніх даных амерыканскага Універсітэта Джонса Хопкінса, агульная колькасць заражаных COVID-19 у Балгарыі перавышае 291,7 тыс. Колькасць смяротных выпадкаў склала больш за 11,7 тыс.-0-
