ДЗЯРЖОРГАНЫДЗЯРЖОРГАНЫ
Флаг Панядзелак, 3 кастрычніка 2022
Мінск +4°C
Усе навіны
Усе навіны
У свеце
23 лістапада 2021, 11:08

Байдэн мае намер зноў удзельнічаць у прэзідэнцкіх выбарах у ЗША ў 2024 годзе

Джо Байдэн. Фота EPA-EFE
Джо Байдэн. Фота EPA-EFE

23 лістапада, Мінск /Кар. БЕЛТА/. Прэзідэнт ЗША Джо Байдэн мае намер балаціравацца на другі тэрмін у 2024 годзе. Аб гэтым заявіла 22 лістапада на брыфінгу для журналістаў прэс-сакратар Белага дома Джэн Псакі, паведамляе ТАСС.

Яе папрасілі пракаменціраваць паведамленні, згодна з якімі Байдэн заявіў сваім прыхільнікам, што ён плануе ўдзельнічаць у прэзідэнцкіх выбарах у 2024 годзе. "Так, гэта яго намер", - пацвердзіла Псакі.

Раней газета The Washington Post паведаміла, што сам Байдэн і прадстаўнікі яго бліжэйшага акружэння ў апошнія дні запэўніваюць прыхільнікаў у тым, што 79-гадовы амерыканскі лідар будзе балаціравацца на другі тэрмін у 2024 годзе. Гэтыя намаганні прыкладаюцца ў сувязі з тым, што многія дэмакраты мяркуюць, што Байдэн, магчыма, не будзе ўдзельнічаць у наступных выбарах, улічваючы, у прыватнасці, яго ўзрост (на момант галасавання яму будзе 81 год). Яшчэ адзін аспект звязаны са зніжэннем рэйтынгу папулярнасці. На гэты момант работу Байдэна на пасадзе Прэзідэнта адабраюць, згодна з шэрагам апытанняў, каля 40 працэнтаў жыхароў краіны.

Як чакаецца, афіцыйна аб сваім рашэнні наконт удзелу ў барацьбе за пост прэзідэнта Байдэн аб'явіць пасля прамежкавых выбараў у Кангрэс. Яны пройдуць у лістападзе 2022 года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі