27 верасня, Баку /БЕЛТА - Trend/. Улады Азербайджана прынялі рашэнне змякчыць каранцінныя абмежаванні з-за COVID-19 у сувязі з ростам колькасці вакцынаваных грамадзян, а таксама са зніжэннем колькасці інфіцыраваных у краіне.
Згодна з рашэннем аператыўнага штаба пры кабінеце міністраў Азербайджана з 1 кастрычніка адновяць дзейнасць цэнтры адпачынку і забаў, уключаючы клубы і дзіцячыя забаўляльныя цэнтры; культурныя аб'екты, з умовай запаўнення не больш як 50 працэнтаў ад агульнай умяшчальнасці, уключаючы канцэртныя залы, кінатэатры, тэатры; дзіцячыя і іншыя забаўляльныя цэнтры пры вялікіх ГЦ, у тым ліку кінатэатры, з умовай запаўнення не больш як 50 працэнтаў ад агульнай умяшчальнасці.
Гэтыя аб'екты змогуць працаваць да апоўначы. Для іх наведвання асобы старэйшыя за 18 гадоў павінны будуць мець кавід-пашпарты. Пры гэтым не менш за 80 працэнтаў работнікаў такіх аб'ектаў таксама павінны мець кавід-пашпарты.
Праверка кавід-пашпартоў будзе ажыццяўляцца праз спецыяльны мабільны дадатак Check App.-0-