30 сакавіка, Мінск /Кар. БЕЛТА/. Блакіроўка кантэйнеравозам Суэцкага канала можа парушыць прамысловыя ланцужкі ў Азіяцка-Ціхаакіянскім рэгіёне (АЦР), паведамляе ТАСС са спасылкай на дырэктара Інстытута эканомікі пры Універсітэце тэхналогій і бізнесу прафесара Хун Таа.
"Суэцкі канал з'яўляецца адным з буйнейшых лагістычных калідораў, што звязвае Азію з Еўропай, а таксама важнейшай транспартнай артэрыяй сусветнага суднаходства", - адзначыў эксперт.
Паводле яго слоў, гэта здарэнне можа парушыць і прамысловыя ланцужкі ў рэгіёне, паколькі цераз канал праходзіць вялікі аб'ём нафты і іншай сыравіны, вельмі неабходнай для нармальнага цыркулявання вытворчасці.
"На фоне аднаўлення бізнесу, транспартных перавозак, перапыненых пандэміяй каранавіруса, значна ўзрос паток грузаў, у тым ліку цераз канал. У сувязі з гэтым цяперашняя аварыя, у выніку якой канал быў блакіраваны на працягу шасці дзён з-за кантэйнеравоза, што стаў упоперак рэчышча, значна паўплывае на аднаўленне эканомік АЦР", - падкрэсліў Хун Таа.
"Мясцовыя вытворцы, што імпартуюць вялікую колькасць кампанентаў марскім шляхам, ужо сутыкнуліся з павелічэннем расходаў на перавозкі. Паводле розных ацэнак, кошт узрос ад 20 працэнтаў да 200 працэнтаў", - адзначыў прэзідэнт Сінгапурскай прамысловай федэрацыі Дуглас Фо.-0-
