17 жніўня, Мінск /Кар. БЕЛТА/. Аўтобус з дзецьмі сутыкнуўся з грузавіком у Францыі: пацярпелі 9 чалавек, паведамляе газета L'Union.
Паводле інфармацыі выдання, здарэнне адбылося на трасе Парыж - Рэймс. Вадзіцель спыніў аўтобус на абочыне, каб замяніць кола са спушчанай шынай. У гэты момант у яго ўрэзаўся грузавік.
У выніку аварыі пацярпелі дзевяць чалавек. Сур'ёзныя траўмы атрымалі двое дзяцей 11 і 12 гадоў. Усяго на момант ДТЗ у аўтобусе знаходзіліся 45 чалавек, у іх ліку дзеці ва ўзросце ад 3 да 13 гадоў.
Вадзіцель грузавіка затрыманы.-0-