27 красавіка, Мінск /Кар. БЕЛТА/. Аўстрыйская нафтагазавая кампанія OMV прыняла ўмовы аплаты расійскага газу рублямі. Аб гэтым сёння заявіў канцлер краіны Карл Нехамер, паведамляе РІА Навіны.
Ён пацвердзіў, што яны, як і Германія, прынялі новую схему аплаты за газ. Карл Нехамер дадаў, што Уладзімір Пуцін запэўніў яго ў бяспецы паставак, для Аўстрыі сітуацыя не змянілася.
У сваю чаргу міністр энергетыкі краіны Леанора Гевеслер пацвердзіла, што газ паступаў і паступае ў краіну без перабояў. Яна дадала, што без паставак паліва з Расіі ў гэтым годзе немагчыма будзе запоўніць сховішчы.
1 красавіка кіраўнік аўстрыйскай кампаніі OMV Альфрэд Штэрн нагадаў, што ў Аўстрыі няма выхаду да мора і няма доступу да звадкаванага газу, таму яны ніяк не могуць адмовіцца ад расійскага газу, паколькі гэта прывядзе краіну да глабальных праблем.
31 сакавіка Уладзімір Пуцін падпісаў указ, згодна з якім недружалюбныя краіны павінны купляць у Масквы газ за рублі. Цяпер для набыцця расійскага газу заходнія краіны павінны адкрыць рублёвыя рахункі ў банках РФ.-0-
