12 красавіка, Мінск /Кар. БЕЛТА/. У Токіа арганізацыйны камітэт Алімпійскіх і Паралімпійскіх гульняў мае намер падрыхтаваць асобны атэль на 300 нумароў для спартсменаў-удзельнікаў, якія будуць мець лёгкія сімптомы каранавіруснай інфекцыі, паведамляе Kyodonews.
Арганізатары заявілі: атэль будзе выкарыстоўвацца як для 10-дзённага каранціну, так і для кругласутачнага лячэння спартсменаў са станоўчым вынікам тэсту на вірус. Таксама плануецца падрыхтаваць да 30 спецыяльных аўтамабіляў, прызначаных для перавозкі пацыентаў з каранавіруснай інфекцыяй у атэль.
У адпаведнасці з рэкамендацыямі па COVID-19, якія былі апублікаваны арганізатарамі ў лютым, спартсмены будуць правярацца на COVID-19 не радзей за адзін раз у чатыры дні.
Алімпійскія гульні павінны пачацца ў Токіа 23 ліпеня.-0-