ДЗЯРЖОРГАНЫДЗЯРЖОРГАНЫ
Флаг Панядзелак, 3 кастрычніка 2022
Мінск +6°C
Усе навіны
Усе навіны
У свеце
22 ліпеня 2022, 15:55

Арганізатары Алімпіяды-2024 у Парыжы сутыкнуліся з няхваткай фінансавання з-за інфляцыі

Парпыж. Фота з архіва
Парпыж. Фота з архіва

22 ліпеня, Мінск /Кар. БЕЛТА/. Арганізатары летняй Алімпіяды, якая павінна адбыцца ў 2024 годзе ў Парыжы, зведваюць цяжкасці з фінансаваннем на фоне значнай інфляцыі ў Францыі. Аб гэтым паведамляе ТАСС са спасылкай на агенцтва AFP.

Адзначаецца, што год таму кампанія Solideo, якая адказвае за ўзвядзенне спартыўных аб'ектаў для Алімпіяды, ацэньвала расходы ў памеры 4 млрд еўра. Аднак у гэтым годзе аказалася, што з-за росту цэн гэтай сумы ўжо недастаткова.

Арганізатары таксама сутыкнуліся і з іншымі праблемамі. У прыватнасці, для забеспячэння бяспекі падчас Гульняў не хапае амаль 20 тыс. чалавек. Таксама паведамляецца, што будаўнікі не паспеюць своечасова пракласці дзве лініі метро, якія павінны былі злучыць цэнтр Парыжа і спартыўныя аб'екты.

У МАК таксама заявілі, што французскі бок вельмі позна пачаў вырашаць пытанні антыдопінгавай лагістыкі, што можа паўплываць на карэктную работу антыдопінгавых службаў.

Летняя Алімпіяда ў Парыжы пройдзе з 26 ліпеня па 11 жніўня 2024 года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі