ДЗЯРЖОРГАНЫДЗЯРЖОРГАНЫ
Флаг Панядзелак, 5 снежня 2022
Мінск Суцэльная воблачнасць -8°C
Усе навіны
Усе навіны
У свеце
16 чэрвеня 2022, 11:15

Апытанне ECFR паказала раскол грамадскай думкі ў Еўропе па сітуацыі ва Украіне

Фота pexels
Фота pexels

16 чэрвеня, Мінск /Кар. БЕЛТА/. Даследаванне аналітычнага цэнтра ECFR сведчыць аб тым, што меркаванні жыхароў Еўропы наконт тэмы ўкраінскага крызісу падзяліліся, паведамляе ТАСС.

Даследаванне праходзіла з 28 красавіка па 11 мая ў дзесяці краінах Еўропы, у ім удзельнічалі 8172 чалавекі.

Больш за трэць рэспандэнтаў - 35 працэнтаў удзельнікаў апытання - выступаюць за больш хуткае дасягненне міру нават пры ўмове перадачы часткі ўкраінскіх тэрыторый Расіі. Каля 22 працэнтаў еўрапейцаў хацелі б, каб Расія панесла пакаранне, нават калі цаной будуць жыцці ўкраінцаў. Пятая частка апытаных адзначае важнасць пакарання Расіі, аднак баіцца, што канфлікт можа зацягнуцца.

Характэрна, што Польшча стала адзінай краінай, дзе жадаючых пакараць Расію больш, чым прыхільнікаў хутчэйшага міру, - 41 працэнт супраць 16 працэнтаў. Адваротная сітуацыя ў Італіі, дзе за мір выступаюць 52 працэнты апытаных, а за прадаўжэнне канфлікту - 16 працэнтаў. У Германіі мір падтрымліваюць 49 працэнтаў рэспандэнтаў, ваенныя дзеянні - 19 працэнтаў. У Італіі трэцяя частка насельніцтва лічыць вінаватымі ва ўкраінскім крызісе сам Кіеў, Брусель або Вашынгтон. У Германіі гэты паказчык складае 20 працэнтаў.

Таксама апытанне паказала занепакоенасць еўрапейцаў ростам цэн і магчымасцю развязвання ядзернай вайны.

"Урадам трэба будзе знайсці новую мову, каб пераадолець водападзел паміж двума лагерамі, узмацніць еўрапейскае адзінства і пазбегнуць палярызацыі меркаванняў унутры краін і на міжнародным узроўні", - адзначаюць аўтары даследавання.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі