15 лістапада, Мінск /Кар. БЕЛТА/. Невядомыя паведамілі аб "мініраванні" Астанкінскай тэлевежы ў Маскве, пасля чаго каля 150 чалавек былі эвакуіраваны, паведамляе ТАСС.
"Паступіла паведамленне ад невядомага аб тым, што ў Астанкінскай тэлевежы закладзена ўзрыўное ўстройства", - паведамілі агенцтву ў экстранных службах.
На месцы працуюць супрацоўнікі праваахоўных органаў, экстранных служаў і кінолагі, якія праводзяць абследаванні тэлевежы і прылеглай тэрыторыі.-0-