6 снежня, Мінск /Кар. БЕЛТА/. У Швейцарыі выбраны прэзідэнт на 2018 год. Як паведамляе ТАСС, у будучым годзе краіну ўзначаліць прадстаўнік Сацыял-дэмакратычнай партыі Швейцарыі Ален Берсе.
Выбары былі праведзены сёння на сумесным пасяджэнні дзвюх палат Федэральнага сходу (парламента). Ход галасавання трансліраваўся ў анлайн-рэжыме на сайце парламента.
Ален Берсе ўраджэнец кантона Фрыбур. У 2003 годзе быў выбраны ў Савет кантонаў (малая палата парламента), з 2008 па 2009 год быў яе старшынёй, з 2005 года і аж да выбрання ў склад урада працаваў у розных парламенцкіх камісіях. Да выбрання прэзідэнтам кіраваў Федэральным дэпартаментам унутраных спраў, які ў Швейцарыі займаецца сацыяльнымі пытаннямі і аховай здароўя.-0-
