25 студзеня, Мінск /Кар. БЕЛТА/. Пацверджана гібель двух чалавек, якія прапалі без вестак у выніку ўзрыву газавай трубы ў горадзе Далянь паўночна-ўсходняй кітайскай правінцыі Ляанін, паведамляе ТАСС са спасылкай на інфармацыйны рэсурс "Пэнпай".
Здарэнне адбылося сёння раніцай каля аднаго з жылых комплексаў у гарадскім раёне Цзіньчжоу. "Выбух прывёў да пашкоджання і ўзгарання некаторых аўто. Крыху пазней адна з машын, што загарэліся, узарвалася якраз у той час, калі пажарныя змагаліся з агнём", - інфармуе рэсурс.
Як паведамлялася, восем чалавек пацярпелі ад асколкаў разбітых вокнаў, яшчэ трое прапалі без вестак. "Целы двух з іх былі знойдзены, яшчэ адзін чалавек, які лічыўся прапаўшым, быў знойдзены пацярпелым. Яго накіравалі ў бальніцу", - адзначаецца ў паведамленні.
Паводле даных папярэдняга расследавання, прычынай узрыву стала ўцечка газу.-0-
