26 мая, Мінск /Кар. БЕЛТА/. Шквалісты вецер абрушыўся на Свярдлоўскую вобласць Расіі 25 мая, у выніку сарваны дзясяткі дахаў будынкаў, пашкоджаны аўтамабілі і прыпыначныя комплексы. Ахвярамі стыхіі сталі чатыры чалавекі, паведамляе ТАСС.
Непагода і ўраганны вецер на Урале прывялі да разбурэнняў рэкламных канструкцый і падзенняў дрэў. Паводле апошніх даных, у рэгіёне загінулі чатыры чалавекі, ёсць пацярпелыя.
Стыхія закранула 23 муніцыпальныя ўтварэнні, у якіх размешчаны 120 населеных пунктаў. У выніку моцнага ветру, парывы якога дасягалі 28 м/с, без электразабеспячэння засталіся больш за 130 тыс. спажыўцоў. Па стане на раніцу 26 мая, электразабеспячэнне большай часткі спажыўцоў адноўлена.
Усяго ў ліквідацыі наступстваў непагоды ў Свярдлоўскай вобласці задзейнічаны амаль 300 чалавек і каля сотні адзінак тэхнікі (камунальныя службы, энергетыкі, медыкі, ДІБДР, МНС РФ). Паводле даных сіноптыкаў, непагода пакінула Свярдлоўскую вобласць, 26 мая неспрыяльных метэаз'яў не чакаецца.-0-
