1 снежня, Магадыша /БЕЛТА - СІНЬХУА/. У Самалі з-за трапічнага шторму "Гаці" загінулі сама меней дзевяць чалавек, пацярпелі больш за 180 тыс. жыхароў.
"Сама меней дзевяць чалавек загінулі, амаль 4 тыс. аб'ектаў нерухомай маёмасці ў пацярпелых раёнах, якія належалі качавым абшчынам, былі разбураны", - гаворыцца ў паведамленні ўпраўлення ААН па каардынацыі гуманітарных пытанняў.
Паведамляецца таксама, што ў населеных пунктах Хафуун, Кардууш і Хурдыя загінулі больш за 7,5 тыс. свойскіх жывёл - вярблюдаў, авечак, коз.-0-