16 кастрычніка, Мінск /Кар. БЕЛТА/. Частка аэрапорта Вільнюса (Літва) была эвакуіравана з-за дымавой гранаты, якую знайшлі ў ручной паклажы аднаго з пасажыраў, паведамляе літоўская тэлерадыёкампанія LRT.
Інцыдэнт адбыўся сёння каля 15.30 па мясцовым часе. Паводле папярэдніх даных, гранату знайшлі ў чамадане нарвежскага салдата, які вёз яе ў якасці сувеніра.
Работа аэрапорта адноўлена, аднак некаторыя рэйсы затрымліваюцца на 15-20 мінут.-0-