11 снежня, Мінск /БЕЛТА - ТАСС/. Аб'яўленыя Прэзідэнтам Францыі Эмануэлем Макронам эканамічныя меры запатрабуюць затрат на суму ад 8 да 10 млрд еўра. Аб гэтым паведаміў дзяржаўны сакратар Аліўе Дзюсо, які адказвае за бюджэтную палітыку краіны.
Каменціруючы па просьбе журналістаў пакет мер, прадстаўленых 10 снежня французскім лідарам, Аліўе Дзюсо адзначыў: "Мы знаходзімся ў працэсе тонкай настройкі эканамічных механізмаў і глядзім, як іх фінансаваць".
Прэзідэнт Францыі вечарам 10 снежня звярнуўся да нацыі з пасланнем, аб'явіўшы аб рашэннях, якія ён прыняў на фоне крызісу, звязанага з выступленнямі "жоўтых камізэлек". Эмануэль Макрон, у прыватнасці, паабяцаў павышэнні мінімальнай месячнай аплаты працы з 2019 года, дадатковую прэмію, якая не абкладаецца падаткамі, працуючым французам у канцы гэтага года, адмену падаткаў для некаторых катэгорый пенсіянераў. Таксама французскі лідар асудзіў насілле супраць паліцыі ў час пратэстаў.
Згодна з апошнімі данымі праваахоўных органаў, агульная колькасць затрыманых у ходзе акцый пратэсту руху "жоўтых камізэлек" з сярэдзіны лістапада перасягнула 4,5 тыс. чалавек.-0-