9 ліпеня, Мінск /Кар. БЕЛТА/. У Маскве на вуліцах з 13 ліпеня адмяняецца абавязковы масачны рэжым. Аб гэтым заявіў мэр сталіцы Сяргей Сабянін, паведамляе ТАСС.
Аднак абавязковы масачны і пальчаткавы рэжым захаваецца ў транспарце, магазінах і іншых грамадскіх месцах горада. Застаюцца ў сіле і патрабаванні захавання сацыяльнага дыстанцыравання.
Таксама ў Маскве без абмежаванняў, уведзеных раней з-за каранавіруса, з 13 ліпеня змогуць працаваць паркі культуры і адпачынку, культурныя цэнтры, арганізацыі забаўляльнага тыпу. Змогуць адкрыцца дзіцячыя лагеры і дзіцячыя забаўляльныя цэнтры.
"Аднаўляюць работу секцыі і гурткі, дыскатэкі і гэтак далей, але з умовай, што колькасць наведвальнікаў не перавысіць 50 працэнтаў ад максімальнай умяшчальнасці пляцовак", - адзначыў Сабянін.
Кіраўніцтва прадпрыемстваў і арганізацый Масквы з 13 ліпеня зможа вярнуць супрацоўнікаў у офісы. Акрамя таго, з таго ж дня адмяняюцца абмежаванні на вочную работу адукацыйных устаноў.
"Студэнты зноў могуць наведваць ВНУ, абітурыенты і выпускнікі - здаваць экзамены ў вочнай форме. Пры гэтым выбар формы правядзення іспытаў - у вочным або дыстанцыйным варыянце - застаецца за Мінадукнавукі Расіі і адміністрацыямі ВНУ", - паведаміў мэр.
Разам з тым правядзенне масавых мерапрыемстваў на адкрытым паветры ў Маскве па-ранейшаму забаронена.-0-
