6 снежня, Мінск /Кар. БЕЛТА/. Упраўленне Вярхоўнага камісара ААН па справах бежанцаў (УВКБ ААН) атрымае ад краін-партнёраў $1,2 млрд на сваю работу. Аб гэтым было паведамлена ў час донарскай канферэнцыі, якая завяршылася ў сераду ў Жэневе, паведамляе УКРІНФАРМ са спасылкай на прэс-службу УВКБ ААН.
Сродкі прызначаны для аказання гуманітарнай дапамогі і абароны правоў дзясяткаў мільёнаў прымусовых перасяленцаў і асоб без грамадзянства. У названую суму ўключаны тэрміновыя $884 млн, якія дадуць магчымасць прадаставіць бежанцам і ўнутраным перасяленцам прытулак, харчаванне, пітную ваду, сродкі гігіены, адукацыю і юрыдычную абарону, а таксама дапамагчы асобам без грамадзянства атрымаць яго.
Дадатковыя $310 млн павінны быць выдзелены на шматгадовыя праграмы, што сведчыць пра давер да арганізацыі і дазволіць УВКБ ААН быць больш эфектыўным у доўгатэрміновым планаванні.-0-