21 студзеня, Мінск /Кар. БЕЛТА/. У доме састарэлых у Харкаве адбыўся пажар, 15 чалавек загінулі, 9 чалавек пацярпелі, паведамляе Дзяржаўная служба Украіны па надзвычайных сітуацыях.
У Харкаве на вул. Ніжняя Гіеўская ў двухпавярховым жылым доме, перабудаваным пад дом састарэлых, узнік пажар на другім паверсе. Плошча пажару склала 100 кв.м.
На месцы пажару знойдзены целы 15 чалавек, 9 чалавек пацярпелі і былі шпіталізаваны.
У тушэнні пажару былі задзейнічаны 28 чалавек асабовага складу дзяржаўнай сістэмы папярэджання і ліквідацыі надзвычайных сітуацый і 7 адзінак тэхнікі.-0-
