12 мая, Мінск /Кар. БЕЛТА/. Абаронца "Віцебска" Жуліа Сезар прызнаны лепшым іграком 8-га тура футбольнага чэмпіянату Беларусі па версіі асацыяцыі "Беларуская федэрацыя футбола", паведамляе карэспандэнт БЕЛТА.
У гасцявой сустрэчы з "Мінскам" 24-гадовы бразілец у сярэдзіне першага тайма адкрыў лік, а ў кампенсаваны час другой паловы гульні зраўнаваў вынік - 3:3. Пасля гэтага матчу футбалісты "Віцебска" набралі 9 ачкоў і займаюць 9-месца ў турнірнай табліцы нацыянальнага першынства. Лідзіруе дзеючы чэмпіён краіны салігорскі "Шахцёр", у якога 24 ачкі з 24 магчымых. У актыве мінскага "Дынама" і барысаўскага БАТЭ па 17 балаў.
У наступным туры сустракаюцца:
14 мая "Спадарожнік" (Рэчыца) - "Славія" (Мазыр), "Дынама" (Мінск) - "Смаргонь";
15 мая "Нёман" (Гродна) - "Шахцёр" (Салігорск), "Тарпеда-БелАЗ" (Жодзіна) - "Іслач" (Мінскі раён), БАТЭ (Барысаў) - "Рух" (Брэст);
16 мая "Слуцк" - "Мінск", "Віцебск" - "Энергетык-БДУ" (Мінск), "Дынама" (Брэст) - "Гомель".-0-