17 лютага, Пекін /Кар. БЕЛТА/. Жаночы мас-старт біятланістак пекінскай Алімпіяды перанесены з 19 лютага на 18 лютага, паведамляе карэспандэнт БЕЛТА.
Такое рашэнне арганізатары АГ прынялі з-за моцных маразоў, якія чакаюцца ў суботу. Сярод 30 удзельніц заўтрашняй гонкі на 12,5 км будуць беларускія біятланісткі Дзінара Алімбекава і Ганна Сола.
Мужчынскі мас-старт на 15 км, як і было запланавана, таксама адбудзецца 18 лютага. У ім выступіць сярэбраны прызёр індывідуальнай гонкі пекінскіх Гульняў беларус Антон Смольскі.
Жанчыны выйдуць на дыстанцыю біятлоннага цэнтра ў Чжанцзякоў у 10.00, мужчыны стартуюць апоўдні па мінскім часе.-0-