ДЗЯРЖОРГАНЫДЗЯРЖОРГАНЫ
Флаг Серада, 8 снежня 2021
Мінск Малавоблачна -13°C
Усе навіны
Усе навіны
Спорт
21 кастрычніка 2021, 14:51

Жаночая зборная Беларусі па хакеі на траве з перамогі стартавала ў кваліфікацыі да Кубка свету

Фота з архіва
Фота з архіва

21 кастрычніка, Мінск /Кар. БЕЛТА/. Жаночая зборная Беларусі па хакеі на траве з перамогі стартавала ў кваліфікацыі да Кубка свету. У першым паядынку турніру была абыграна зборная Расіі з лікам 7:1, паведамілі БЕЛТА ў прэс-службе Беларускай федэрацыі хакея на траве.

У складзе беларускай зборнай, якая ўпершыню прымае ўдзел у такім значным турніры, вызначыліся Хрысціна Папкова, якая аформіла ў выніку дубль. Хет-трык на рахунку Дар'і Белавусавай. Таксама па разе трапілі ў вароты саперніц Святлана Багушэвіч і Ульяна Касабуцкая. Гол прэстыжу ў складзе зборнай Расіі запісала на сябе Юлія Сартакова.

Пераможца беларуска-расійскага проціборства згуляе ў паўфінале супраць пераможцы пары Ірландыя - Францыя.

Кваліфікацыя да Кубка свету праходзіць 21-24 кастрычніка ў Пізе (Італія). У спаборніцтвах прымаюць удзел 3 каманды з чэмпіянату Еўропы вышэйшага дывізіёна - Ірландыя, Італія, Шатландыя, а таксама пяць лепшых дружын з чэмпіянату Еўропы другога дывізіёна - Беларусь, Польшча, Уэльс, Францыя і Расія.

Кваліфікуецца на Кубак свету толькі пераможца гэтых спаборніцтваў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі