Мабільная версія
ДЗЯРЖОРГАНЫ
Апошнія навіны
Усе навіны

Жаночая зборная Беларусі па баскетболе 3х3 перамагла на турніры ў Рызе

Спорт 22.06.2018 | 17:09
Фота Ghetto Basket
Фота Ghetto Basket

22 чэрвеня, Мінск /Кар. БЕЛТА/. Жаночая зборная Беларусі па баскетболе 3х3 перамагла на міжнародным турніры Basket Pro Quest у Рызе, паведамілі карэспандэнту БЕЛТА ў прэс-службе БФБ.

Каманда ў складзе Ганны Лапо, Настассі Сушчык, Наталлі Дашкевіч і Дар'і Магаляс атрымала восем перамог у дзевяці праведзеных сустрэчах. Баскетбалістка беларускай дружыны Настасся Сушчык прызнана самым карысным іграком турніру (MVP).

"Аб'ектыўна, тэхнічна і тактычна наша каманда з'яўлялася адным з фаварытаў турніру і абавязана была пацвярджаць гэты статус. Аднак без пэўных цяжкасцей у псіхалагічным плане не абышлося. Задаволены, што ўдалося прайсці такую праверку на характар і ўстойлівасць. І ўсё ж у кваліфікацыі чэмпіянату Еўропы нам трэба будзе паказаць яшчэ больш якасную гульню, каб прадставіць краіну дастойна", - расказаў галоўны трэнер каманды Юрый Воўк.

Беларускія баскетбалісты на турніры ў Рызе занялі шостае месца.

C 29 па 30 чэрвеня мужчынская і жаночая зборныя Беларусі па баскетболе 3х3 прымуць удзел у кваліфікацыйным турніры чэмпіянату Еўропы, які пройдзе ў Францыі. На групавым этапе спаборніцтваў нашы дзяўчаты згуляюць з Францыяй, Чэхіяй і Турцыяй (група Б), маладыя людзі сустрэнуцца з сапернікамі з Расіі і Бельгіі (група А).

Баскетбол 3х3 уваходзіць у праграму II Еўрапейскіх гульняў, якія пройдуць у Мінску з 21 па 30 чэрвеня 2019 года.-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Спрашчэнне працэдуры дзяржрэгістрацыі і зняцця з уліку аўтамабіляў Савет Міністраў скарэкціраваў палажэнне аб парадку дзяржаўнай рэгістрацыі і дзяржаўнага ўліку транспартных сродкаў, зняцця з уліку і ўнясення змяненняў у дакументы, звязаныя з рэгістрацыяй транспартных сродкаў.