2 лістапада, Мінск /Кар. БЕЛТА/. Баскетбалісткі "Цмокі-Мінск" пацярпелі першае паражэнне ў групавым этапе Еўракубка, паведамляе карэспандэнт БЕЛТА.
У другім туры спаборніцтваў папярэдняй групы С падапечныя Андрэя Ваўлева прымалі на арэне мінскага Falcon Club польскую "Віслу" з Кракава і ўступілі з лікам 56:61.
fff10
На старце турніру чэмпіёнкі Беларусі перайгралі ў Стамбуле адзін з мацнейшых турэцкіх клубаў "Бешыкташ" з лікам 68:63. Спартсменкі "Віслы" ў сябе дома былі мацнейшымі за расійскую "Інвенту" з Курска - 76:58.
У іншым паядынку "Інвента" сустракалася ў Курску з баскетбалісткамі "Бешыкташа" і вырвала перамогу з вынікам 68:67.
Турнірнае становішча пасля двух гульнявых дзён: "Вісла" - 4 балы, "Цмокі-Мінск" - 3, "Інвента" - 3, "Бешыкташ" - 2.
Свой наступны матч "Цмокі-Мінск" правядуць 8 лістапада на выездзе супраць "Інвенты".
У плэй-оф Еўракубка выйдуць па дзве лепшыя каманды з 10 папярэдніх груп.-0-
