ДЗЯРЖОРГАНЫДЗЯРЖОРГАНЫ
Флаг Серада, 19 студзеня 2022
Мінск Суцэльная воблачнасць -4°C
Усе навіны
Усе навіны
Спорт
10 лютага 2017, 09:13

Зборная Германіі па біятлоне перамагла ў змешанай эстафеце на ЧС у Аўстрыі, у беларусаў - 22-е месца

Ванэса Хінц, Лаўра Дальмаер, Арнд Пайфер і Сімон Шэмп. Фота IBU
Ванэса Хінц, Лаўра Дальмаер, Арнд Пайфер і Сімон Шэмп. Фота IBU

10 лютага, Мінск /Кар. БЕЛТА/. Зборная Германіі па біятлоне, у складзе якой Ванэса Хінц, Лаўра Дальмаер, Арнд Пайфер, Сімон Шэмп, перамагла ў змешанай эстафеце на чэмпіянаце свету ў аўстрыйскім Хохфільцэне, беларуская каманда заняла 22-е месца, паведамляе карэспандэнт БЕЛТА.

Беларускі квартэт (Надзея Скардзіна, Ірына Крыўко, Сяргей Бачарнікаў і Уладзімір Чапелін) дапусціў чатыры промахі ў ходзе гонкі, што негатыўна паўплывала на вынікі эстафеты. Гонку ўдала пачала Надзея Скардзіна, якая паспяхова правяла першую стральбу, пакінуўшы стадыён чацвёртай. Аднак два дадатковыя патроны на другім агнявым рубяжы далі магчымасць пайсці ў адрыў канкурэнткам. Надзея Скардзіна перадала эстафету Ірыне Крыўко восьмай, з адставаннем ад лідара, на той момант Італіі, 22,7 сек. Ірына Крыўко пры стральбе лежачы дапусціла два промахі, выкарыстаўшы тры дадатковыя патроны, і значна знізіла шанцы беларускай зборнай на тое, каб трапіць у прызёры. Па адной памылцы на двух агнявых рубяжах дапусцілі Сяргей Бачарнікаў і Уладзімір Чапелін. У выніку адставанне беларусаў ад пераможцаў склала 5 хвілін 46 секунд (4+17).

Зборная Германіі ў змешанай эстафеце паказала рэзультат 1 гадзіну 9 хвілін 6,4 секунды (0 промахаў + 7 дадатковых патронаў). Другое месца заняла каманда Францыі - +2,2 (1+8). Лідар гэтай зборнай Мартэн Фуркад абышоў Антона Шыпуліна. Расійская зборная стала трэцяй - +3,2 секунды (0+4).

Усяго ў змешанай эстафеце стартавала 25 каманд, а фінішавалі 23. Латвія і Літва былі зняты суддзямі за адставанне на круг.

Чэмпіянат свету па біятлоне ў Хохфільцэне прадоўжыцца 10 лютага жаночай спрынтарскай гонкай, якая пачнецца ў 16.45. Тэлеканал "Беларусь 5" правядзе прамую трансляцыю з Аўстрыі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі