Фота АБФФ
16 кастрычніка, Мінск /Кар. БЕЛТА/. Футбалісты нацыянальнай зборнай Беларусі трэці раз згулялі ўнічыю ў матчах Лігі нацый УЕФА, паведамляе карэспандэнт БЕЛТА.
У венгерскім горадзе Залаэгерсег беларуская каманда разышлася мірам з футбалістамі Люксембурга - 1:1. Гульня пачалася з узаемных атак і ўжо на 10-й мінуце сустрэчы Валерый Грамыка зарабіў пенальці, але яго ўдар з "кропкі" парыраваў вопытны галкіпер Энтані Морыс. Пасля гэтага эпізоду люксембуржцы завалодалі ініцыятывай, беларусы адказвалі вострымі контратакамі, але да перапынку нікому не ўдалося паразіць вароты. У другой палавіне сустрэчы беларускія футбалісты адразу пайшлі наперад і на 55-й мінуце Сяргей Паліцевіч пасля падачы вуглавога адкрыў лік. Аднак утрымаць перамогу не ўдалося - на 78-й мінуце Жэрсан Радрыгес з пенальці аднавіў раўнавагу - 1:1. У матчы першага круга беларусы абыгралі люксембуржцаў на іх полі з мінімальнай перавагай - 1:0. Пераможны мяч тады забіў Валерый Грамыка. Акрамя таго, беларускія футбалісты яшчэ два паядынкі завяршылі з аднолькавым рэзультатам 0:0 - з камандамі Балгарыі і Паўночнай Ірландыі.
У другім матчы 4-га тура групы С3 паўночнаірландцы ў Белфасце разграмілі балгараў з сухім лікам 5:0. Становішча каманд пасля чатырох тураў: Паўночная Ірландыя - 7 ачкоў, Беларусь - 6 ачкоў, Балгарыя - 5, Люксембург - 2.
Расклад астатніх сустрэч:
15 лістапада: Паўночная Ірландыя - Беларусь, Люксембург – Балгарыя;
18 лістапада: Балгарыя - Беларусь, Люксембург - Паўночная Ірландыя.
Пераможцы чатырох груп лігі С непасрэдна выйдуць у лігу В. Каманды, якія зоймуць другія месцы, правядуць стыкавыя матчы са зборнымі, якія занялі трэція месцы ў квартэтах лігі В.-0-
У венгерскім горадзе Залаэгерсег беларуская каманда разышлася мірам з футбалістамі Люксембурга - 1:1. Гульня пачалася з узаемных атак і ўжо на 10-й мінуце сустрэчы Валерый Грамыка зарабіў пенальці, але яго ўдар з "кропкі" парыраваў вопытны галкіпер Энтані Морыс. Пасля гэтага эпізоду люксембуржцы завалодалі ініцыятывай, беларусы адказвалі вострымі контратакамі, але да перапынку нікому не ўдалося паразіць вароты. У другой палавіне сустрэчы беларускія футбалісты адразу пайшлі наперад і на 55-й мінуце Сяргей Паліцевіч пасля падачы вуглавога адкрыў лік. Аднак утрымаць перамогу не ўдалося - на 78-й мінуце Жэрсан Радрыгес з пенальці аднавіў раўнавагу - 1:1. У матчы першага круга беларусы абыгралі люксембуржцаў на іх полі з мінімальнай перавагай - 1:0. Пераможны мяч тады забіў Валерый Грамыка. Акрамя таго, беларускія футбалісты яшчэ два паядынкі завяршылі з аднолькавым рэзультатам 0:0 - з камандамі Балгарыі і Паўночнай Ірландыі.
У другім матчы 4-га тура групы С3 паўночнаірландцы ў Белфасце разграмілі балгараў з сухім лікам 5:0. Становішча каманд пасля чатырох тураў: Паўночная Ірландыя - 7 ачкоў, Беларусь - 6 ачкоў, Балгарыя - 5, Люксембург - 2.
Расклад астатніх сустрэч:
15 лістапада: Паўночная Ірландыя - Беларусь, Люксембург – Балгарыя;
18 лістапада: Балгарыя - Беларусь, Люксембург - Паўночная Ірландыя.
Пераможцы чатырох груп лігі С непасрэдна выйдуць у лігу В. Каманды, якія зоймуць другія месцы, правядуць стыкавыя матчы са зборнымі, якія занялі трэція месцы ў квартэтах лігі В.-0-
Падпісвайцеся на нас у
