Зборная Беларусі займае 96-е месца ў новым рэйтынгу ФІФА

4 красавіка, Мінск /Кар. БЕЛТА/. Зборная Беларусі страціла адну пазіцыю і знаходзіцца на 96-м месцы ў абноўленым рэйтынгу Міжнароднай федэрацыі футбола (ФІФА), паведамляе карэспандэнт БЕЛТА.

У новым сезоне беларусы правялі два таварыскія паядынкі - прайгралі футбалістам Чарнагорыі (0:2) і разышліся мірам з камандай Мальты (0:0). Цяпер у актыве беларускай дружыны 1226,54 бала. Наступныя спарынгі зборная Беларусі правядзе ў чэрвені, а ў верасні стартуе ў Лізе нацый УЕФА. Сапернікі беларусаў па групе СЗ займаюць такія пазіцыі ў рэйтынгу ФІФА: 73-я - Паўночная Ірландыя, 83-я - Балгарыя, 87-я - Люксембург.

Цяпер рэйтынг ФІФА ўзначальвае чэмпіён свету Аргенціна. У топ-5 таксама ўваходзяць Францыя, Бельгія, Англія і Бразілія. З краін былога СССР лепшая пазіцыя ў зборнай Украіны, якая знаходзіцца на 22-м месцы, Расія займае 35-е месца. Наступны рэйтынг мужчынскіх зборных ФІФА абнародуе 20 чэрвеня.

У жаночым рэйтынгу зборная Беларусі па-ранейшаму займае 57-е месца. Лідзіруе каманда Іспаніі, у першай пяцёрцы таксама футбалісткі Англіі, Францыі, ЗША і Германіі. Наступны рэйтынг жаночых каманд ФІФА апублікуе 14 чэрвеня.-0-