2 сакавіка, Мінск /Кар. БЕЛТА/. Зборная Беларусі па міні-футболе правядзе сёння чарговы матч адборачнага турніру чэмпіянату Еўропы 2022 года, паведамляе карэспандэнт БЕЛТА.
У паядынку трэцяга тура 5-й кваліфікацыйнай групы беларуская каманда згуляе ў Нур-Султане са зборнай Казахстана (пачатак у 16.30, прамая трансляцыя будзе весціся на тэлеканале "Беларусь 5"). У стартавым матчы беларусы перамаглі на выездзе зборную Ізраіля з вялікім лікам 3:0 (галы забілі Юрый Рабыка, Максім Еўдакімаў, Уладзіслаў Сялюк). Потым падапечныя Аляксандра Савінцава ўступілі ў Будапешце венграм з лікам 1:2 (гол у беларусаў - Сяргей Сілівончык). Спартсмены Казахстана пакуль правялі адну сустрэчу, разграміўшы ў Нур-Султане венгерскую дружыну з рэзультатам 5:0. У гэтай групе зборная Венгрыі 3 сакавіка прыме ў Будапешце ізраільцян.
Становішча каманд: Казахстан - 3 ачкі (1 матч), Венгрыя - 3 (2), Беларусь - 3 (2), Ізраіль - 0 (1).
У фінальны этап кантынентальнага першынства 2022 года выйдуць пераможцы васьмі адборачных груп і шэсць лепшых каманд, якія зоймуць другія месцы. Яшчэ адзін пропуск разыграюць дзве зборныя, якія фінішуюць другімі. Фінальная стадыя чэмпіянату Еўропы пройдзе ў Нідэрландах з 9 студзеня па 6 лютага 2022 года.-0-
