17 красавіка, Мінск /Кар. БЕЛТА/. Зборная Беларусі па пляжным футболе пераможна завяршыла міжнародны таварыскі турнір у Дубаі, паведамляе карэспандэнт БЕЛТА.
У заключным паядынку беларусы абыгралі каманду ААЭ з лікам 6:4. У гэтай сустрэчы хет-трык аформіў Ігар Брышталь, яшчэ па мячы забілі Вадзім Бокач, Мікіта Чайкоўскі і Арцемій Дрозд. У першым матчы з гаспадарамі спаборніцтваў падапечныя іспанскага спецыяліста Нікаласа Альварада выйгралі з мінімальнай перавагай - 1:0 дзякуючы голу Вадзіма Бокача. А вось у сустрэчах з трохразовымі чэмпіёнамі планеты расіянамі беларускія футбалісты прайгралі. У першай гульні яны ўступілі з рэзультатам 6:5 (галы ў беларусаў: Ігар Брышталь, Уладзімір Усціновіч - па 2, Мікіта Чайкоўскі), а ў другой было паражэнне з буйным лікам - 1:5 (Ягор Гардзецкі). Расіяне таксама двойчы перамаглі зборную ААЭ - 6:5 і 4:1.
У цяперашнім сезоне зборная Беларусі па пляжным футболе плануе прыняць удзел у адборачным турніры чэмпіянату свету, а таксама выступіць на ІІ Гульнях краін СНД, якія пройдуць у жніўні ў Беларусі.-0-
