28 студзеня, Мінск /Кар. БЕЛТА/. Зборная Беларусі па міні-футболе перад ад'ездам у Партугалію на элітны раўнд кваліфікацыі чэмпіянату свету разграміла будучых гаспадароў фінальнага этапу літоўцаў, паведамляе карэспандэнт БЕЛТА.
У заключным кантрольным паядынку ў літоўскай Іонаве беларусы выйгралі ў зборнай Літвы з сухім лікам 4:0. Галявы дубль у гэтай сустрэчы аформіў Аляксандр Чыбісаў, па аднаму голу забілі Уладзімір Жыгалка і Антон Гусакоў.
Стартавы матч групы А ў Партугаліі беларусы правядуць 30 студзеня супраць партугальскай зборнай, 31 студзеня чакаецца сустрэча з італьянцамі, 2 лютага - паядынак з камандай Фінляндыі.
Пад кіраўніцтвам галоўнага трэнера Аляксандра Савінцава за пуцёўку на ЧС будуць спаборнічаць: варатары - Уладзімір Стрэмілаў (БЧ, Гомель), Андрэй Чурылін ("Вітэн", Орша); палявыя ігракі - Уладзімір Жыгалка, Павел Рагавік, Алег Гарбенка, Аляксандр Чыбісаў, Ігар Шчэрбіч (усе - "Сталіца", Мінск), Антон Мацвяенка, Уладзіслаў Сялюк (абодва - ВРЗ, Гомель), Арцём Козел, Антон Гусакоў, Юрый Рабыко (усе - "Вітэн", Орша), Васіль Жарыкаў, Дзяніс Колб (абодва - БЧ, Гомель).
Склады астатніх квартэтаў элітнага раўнда:
В - Сербія (гаспадар турніру), Іспанія, Украіна, Францыя;
С - Харватыя (гаспадар турніру), Славакія, Расія, Азербайджан;
D - Чэхія (гаспадар турніру), Славенія, Румынія, Казахстан.
Пераможцы чатырох груп элітнага раўнда атрымаюць прамыя пуцёўкі ў фінальную стадыю ЧС-2020, а каманды, якія занялі другія месцы, правядуць у красавіку стыкавыя паядынкі за два астатнія пропускі.
Фінальная частка сусветнага першынства з удзелам 24 лепшых каманд планеты пройдзе з 12 верасня па 4 кастрычніка ў Літве.-0-
