4 красавіка, Мінск /Кар. БЕЛТА/. У Маскве ў канцы красавіка адбудзецца турнір па гандболе з удзелам зборных Беларусі, Расіі і Кітая, паведамляе ТАСС.
Паводле слоў прэзідэнта Федэрацыі гандбола Расіі Сяргея Шышкарова, міжнародны гандбольны турнір з удзелам галоўнай зборнай Расіі, маладзёжнай каманды РФ, а таксама нацыянальных зборных Беларусі і Кітая пройдзе 22-23 красавіка. "Рабочая назва турніру - "Кубак дружбы і міру". Гэтыя спаборніцтвы дазволяць спартсменам вярнуць матывацыю і працаваць з поўнай аддачай, у кожным матчы ім трэба будзе даказваць сваё майстэрства", - адзначыў кіраўнік ФГР.
Раней Беларуская федэрацыя гандбола і Федэрацыя гандбола Расіі аб'явілі аб намеры стварыць сумесную мужчынскую лігу. Прынцыповая згода аб арганізацыі лігі ўжо дасягнута, стартаваць новы турнір можа ў верасні.-0-