7 красавіка, Мінск /Кар. БЕЛТА/. У Брэсце прадаўжаецца адкрыты чэмпіянат Беларусі па плаванні. У трэці дзень спаборніцтваў былі разыграны восем камплектаў узнагарод, паведамляе карэспандэнт БЕЛТА.
Званні чэмпіёнаў краіны заваявалі плыўцы з Брэсцкай вобласці Іван Адамчук (200 м, спіна) і Алеся Ігнатовіч (200 м, вольны стыль), спартсмены з Гродзенскага рэгіёна Руслан Скамарошка (100 м, вольны стыль) і Ганна Чудзіна (50 м, спіна), прадстаўніца Магілёўшчыны Алеся Акінчыц (1500 м, вольны стыль), а таксама мінчанін Ілья Шымановіч (50 м, брас).
У мужчынскай эстафеце 4х200 м вольным стылем перамагла каманда Мінска ў складзе Канстанціна Курачкіна, Аляксея Рылько, Цімафея Машлякевіча і Андрэя Кухаронка. У жаночай эстафеце 4х100 м комплексам першынствавала зборная Брэсцкай вобласці (Настасся Шкурдай, Алеся Ігнатовіч, Карына Швед, Ева Андрасюк).
Заўтра на чэмпіянаце Беларусі па плаванні будуць разыграны медалі ў сямі відах праграмы.-0-