"З жонкай адчуваем сябе ў Мінску як дома". Энас аб прадаўжэнні кантракта з "Дынама" 

15 студзеня, Мінск /Кар. БЕЛТА/. Форвард мінскага "Дынама" Сэм Энас прызнаўся, што шчаслівы знаходзіцца ў складзе "зуброў" і жыць у Беларусі. Аб гэтым паведамілі БЕЛТА ў прэс-службе сталічнага клуба.

Амерыканскі нападаючы прадоўжыў кантракт з клубам да канца сезона-2027/28. За два з палавінай гады ў Мінску Сэм Энас правёў 183 матчы і набраў 153 (66+87) ачкі. На гэты момант ён узначальвае спіс лепшых бамбардзіраў сезона КХЛ, закінуўшы 22 шайбы і аддаўшы 28 галявых перадач.

"Я вельмі рады застацца ў "Дынама", мне сапраўды падабаецца гуляць тут. Мы з жонкай у Мінску адчуваем сябе як дома. З такімі балельшчыкамі, таварышамі па камандзе і з усімі ў арганізацыі мы адчуваем сябе як у сям'і, - сказаў Сэм Энас. - Адна з прычын, чаму мне тут падабаецца, заключаецца ў тым, што мы расцём як каманда. За тры гады мы дабіліся значнага прагрэсу, гэта захапляюча. Хакеісты хочуць прыехаць у Мінск і гуляць за "Дынама", таму што ў нас добры клуб. Мы спадзяёмся перамагчы ў чэмпіянаце, гэта наша мэта".

У бягучым сезоне КХЛ Сэм Энас мае шанц стаць лепшым бамбардзірам "зуброў" за адзін рэгулярны чэмпіянат і перамагчы рэкорд каманды па колькасці асістэнцкіх балаў за кар'еру ў лізе.-0-