14 кастрычніка, Мінск /Кар. БЕЛТА/. Міжнародная федэрацыя лёгкай атлетыкі афіцыйна ратыфікавала сусветныя рэкорды, устаноўленыя ў бегу на доўгія дыстанцыі зорнымі стаерамі - шматразовым алімпійскім чэмпіёнам Мо Фара, двухразовай чэмпіёнкай свету Сіфан Хасан і пераможцай планетарнага форуму - 2016 Перэс Джэпчычыр. Такая інфармацыя размешчана на афіцыйным сайце арганізацыі, паведамляе БЕЛТА.
Спартсменка эфіопскага паходжання Сіфан Хасан, якая выступае за Нідэрланды, і ўраджэнец Самалі, брытанскі стаер Мо Фара вызначыліся 4 верасня на мемарыяле Ван Дама ў Бруселі, перапісаўшы на сябе сусветныя дасягненні ў гадзінным бегу па стадыёне. Сіфан Хасан прабегла 18,930 м, а Мо Фара - 21,330 м.
Што датычыцца Перэс Джэпчычыр, то кенійская бягуха вызначылася ў паўмарафоне сярод жанчын у Празе. У забегу, які адбыўся 5 верасня, яна паказала час 1 гадз 5 мін 34 сек. Папярэдні рэкорд быў устаноўлены ў 2018 годзе эфіопкай Нетсанет Гудэта Кебедэ - 1 гадз 6 мін 11 сек.
Дасягненні Сіфан Хасан, Мо Фара і Перэс Джэпчычыр з гэтага часу сталі афіцыйна прызнанымі.-0-