Сцяг Чацвер, 28 сакавіка 2024
Усе навіны
Усе навіны
Спорт
24 кастрычніка 2022, 12:29

Вызначыліся ўсе ўдзельніцы падагульняючага турніру WTA

24 кастрычніка, Мінск /Кар. БЕЛТА/. Пасля завяршэння турніру ў мексіканскай Гвадалахары сталі вядомы ўсе ўдзельніцы падагульняючага турніру Жаночай тэніснай асацыяцыі (WTA), паведамляе карэспандэнт БЕЛТА.

Сярод васьмі тэнісістак у амерыканскім Форт-Уорце будзе і беларуска Арына Сабаленка, якая цяпер з'яўляецца сёмай ракеткай планеты. У гэтым сезоне лепшая беларуская тэнісістка двойчы гуляла ў фіналах турніраў пад эгідай WTA, а таксама дабралася да аднаго паўфіналу "Вялікага шлема" - адкрытага чэмпіянату ЗША. Для 24-гадовай Арыны Сабаленка гэта будзе другі ў кар'еры падагульняючы турнір WTA - у мінулым годзе ў мексіканскім горадзе Сапапан яна не змагла выйсці з папярэдняй групы.

Акрамя лепшай беларускай тэнісісткі ў гэтым турніры згуляюць лідар сусветнага рэйтынгу полька Іга Свёнтак, туніская тэнісістка Унс Джабір (2-і нумар рэйтынгу WTA), амерыканкі Джэсіка Пегула (3), Кока Гаўф (4), грачанка Марыя Сакары (5), францужанка Каралін Гарсія (6) і расіянка Дар'я Касаткіна (8).

На першым этапе ўдзельніцы спаборніцтваў будуць падзелены на два квартэты. Пасля завяршэння папярэдняга этапу ў паўфінал выйдуць па дзве лепшыя тэнісісткі з кожнай групы. Па такой жа схеме пройдуць спаборніцтвы ў парным разрадзе.

Агульны прызавы фонд падагульняючага турніры-2022, які адбудзецца 31 кастрычніка і 1 лістапада, складзе $5 млн. У мінулым годзе яго пераможцай упершыню стала іспанская тэнісістка Гарбінье Мугуруса, якая абыграла ў вырашальным паядынку эстонку Анет Кантавейт. Парны турніры выйграў чэшскі тандэм Барбара Крэйчыкава / Кацярына Сінякова.-0-

Падпісвайцеся на нас у
Twitter
Топ-навіны
Свежыя навіны Беларусі