1 красавіка, Мінск /Кар. БЕЛТА/. На маладзёжным чэмпіянаце Еўропы па футболе ў Венгрыі і Славеніі вызначыліся ўсе ўдзельнікі чвэрцьфінальнай стадыі, паведамляе карэспандэнт БЕЛТА.
Расійская "маладзёжка" не змагла прабіцца ў плэй-оф, уступіўшы ў апошнім матчы папярэдняй групы С равеснікам з Даніі з лікам 0:3. Французы абыгралі ісландцаў з рэзультатам 2:0. Падагульняючае становішча: Данія - 9 ачкоў, Францыя - 6, Расія - 3, Ісландыя - 0.
У 3-м туры групы D партугальцы разграмілі швейцарцаў з рэзультатам 3:0, а англічане абыгралі харватаў 2:1, але не выйшлі ў чвэрцьфінал. Падагульняючае становішча: Партугалія - 9, Харватыя - 3, Англія - 3, Швейцарыя - 3.
Раней у плэй-оф выйшлі па дзве лепшыя каманды з груп А і В: Нідэрланды, Германія, Іспанія, Італія.
У 1/4 фіналу 31 мая згуляюць: Нідэрланды - Францыя (Будапешт), Данія - Германія (Секешфехервар), Іспанія - Харватыя (Марыбар), Партугалія - Італія (Любляна). Паўфіналы пройдуць 3 чэрвеня ў Секешфехевары і Марыбары, рашаючы матч за золата 23-га маладзёжнага Еўра адбудзецца 6 чэрвеня ў Любляне.
На мінулым кантынентальным маладзёжным першынстве, што праходзіла ў 2019 годзе ў Італіі, чэмпіёнскі тытул пяты раз заваявалі футбалісты Іспаніі, якія перамаглі ў фінале каманду Германіі з лікам 2:1.-0-
