3 жніўня, Мінск /Кар. БЕЛТА/. Вызначыліся пераможцы другога тура чэмпіянату Беларусі па пляжным валейболе, які завяршыўся ў Маладзечне, паведамляе карэспандэнт БЕЛТА.
У спаборніцтвах хлопцаў прынялі ўдзел 26 спартыўных дуэтаў. Статус галоўных фаварытаў турніру, як і ў стартавым туры спаборніцтваў, пацвердзілі Аляксандр Дзядкоў і Павел Пятрушка. Серабро на рахунку Ільі Абраменкі і Андрэя Мітрафанава. Бронзавыя медалі на свой рахунак запісалі Аляксандр Бялькевіч і Андрэй Кавалеўскі.
У жаночых стартах удзельнічалі 24 пары. Перамогу святкавалі Вікторыя Сякрэтава і Лізавета Чабай. На другім радку падагульняючага пратакола размясціліся сёстры Ніна і Яна Мілеўскія. Замкнуў тройку мацнейшых тандэм Ганны Пашкевіч і Таццяны Холад.
Фінальны раўнд чэмпіянату Беларусі па пляжным валейболе таксама пройдзе ў Маладзечне 14-16 жніўня. Розыгрыш Кубка Беларусі адбудзецца ў Гомелі з 28 па 30 жніўня.-0-