25 красавіка, Мінск /Кар. БЕЛТА/. На чэмпіянаце Беларусі па міні-футболе вызначыліся пары ўдзельнікаў чвэрцьфінальнай стадыі, паведамляе карэспандэнт БЕЛТА.
Лідар рэгулярнага сезона гомельскі ВРЗ 7 мая прыме мінскі клуб "Ахова-Дынама", а "Сталіца" згуляе на сваёй пляцоўцы са светлагорскім ЦКК. Дзеючы чэмпіён краіны аршанскі "Вітэн" 8 мая сустрэнецца з гродзенскім "УУС-Дынама", а гомельскі БЧ будзе сапернічаць з "Мінскам".
Пасля фінішу рэгулярнага сезона спіс лепшых бамбардзіраў узначальваюць Уладзімір Жыгалка ("Сталіца") і Уладзімір Піскун ("Мінск"), якія забілі па 23 мячы.-0-
