ДЗЯРЖОРГАНЫДЗЯРЖОРГАНЫ
Панядзелак, 28 верасня 2020
Мінск Воблачна з праясненнямі +13°C
Усе навіны
Усе навіны
Спорт
03 жніўня 2020, 13:29

Вызначаны пераможцы заключнага дня чэмпіянату Беларусі па лёгкай атлетыцы

Сярэбраны прызёр Леў Скорыш, пераможца спаборніцтваў Уладзіслаў Чамармазовіч і бронзавы прызёр Дзмітрый Марфушкін
Сярэбраны прызёр Леў Скорыш, пераможца спаборніцтваў Уладзіслаў Чамармазовіч і бронзавы прызёр Дзмітрый Марфушкін

3 жніўня, Мінск /Кар. БЕЛТА/. Вызначаны пераможцы заключнага дня чэмпіянату Беларусі па лёгкай атлетыцы, які прайшоў на мінскім стадыёне "Дынама", паведамляе карэспандэнт БЕЛТА.

У скачку з шастом перамогу святкаваў Уладзіслаў Чамармазовіч - 5,20 м. У дзяўчат у гэтай дысцыпліне лепшай стала Ірына Жук (4,72 м). Кацярына Карняенка (15 мін. 51,39 сек.) і Вячаслаў Скудны (14 мін. 9,01 сек.) выйгралі забегі на 5 тыс. м.

У эстафеце 4х100 м у дзяўчат вікторыю святкавалі спартсменкі з Мінска. Дзіяна Рабкова паднялася на вышэйшую прыступку п'едэстала гонару ў сямібор'і (5937 ачкоў). У змешанай эстафеце 4х400 м перамаглі прадстаўнікі нацыянальнай каманды Беларусі (3 мін. 20,14 сек.). Віктар Трус заваяваў залаты медаль у кіданні дыска (56,71 сек.).

Як паведамлялася, Хрысціна Ціманоўская (23,44 сек.) і Сяргей Пустабаеў (21,58 сек.) сталі першымі ў бегу на 200 м. Ягор Хаўратовіч (51,59 сек.) і Ганна Міхайлава (57,75 сек.) выйгралі забегі на 400 м з бар'ерамі. Ілья Карнавухаў (1 мін. 48,79 сек.) і Дар'я Барысевіч (2 мін. 4,15 сек.) перамаглі ў бегу на 800 м. Святлана Сярова паднялася на вышэйшую прыступку п'едэстала гонару ў кіданні дыска (52,60 м). Уладзіслаў Булахаў (8,10 м) і Настасся Мірончык-Іванова (6,81 м) выйгралі спаборніцтвы ў скачку ў даўжыню.

У праграму чэмпіянату Беларусі ўвайшлі бег на 100 м, 200 м, 400 м, 800 м, 1,5 тыс. м, 5 тыс. м, 10 тыс. м, 100 м (110 м) з бар'ерамі (з/б), 400 м з бар'ерамі, 3 тыс. м з перашкодамі, эстафета 4х100 м, змешаная эстафета 4х400 м, спартыўная хадзьба 5 тыс. м і 10 тыс. м, скачок у вышыню, у даўжыню, трайны скачок, скачок з шастом, кіданне дыска, кап'я і молата, штурханне ядра, сямібор'е (дзесяцібор'е). Спаборніцтвы ў бегу на 100 м, 200 м, 100 м з/б, 110 м з/б, 400 м, 400 м з/б праводзіліся ў два кругі, астатнія - у адзін круг.

Пераможцамі ў турніры па штурханні ядра, які прайшоў 28 ліпеня каля мінскага Палаца спорту, сталі Аляксей Нічыпар (20,42 м) і Алёна Дубіцкая (19,19 м).

Спаборніцтвы ў бегу на 10 тыс. м 30 ліпеня выйгралі Сяргей Краўчэня (29 мін. 20,86 сек.) і Ніна Савіна (33 мін. 17,53 сек.). Турніры прайшлі ў рамках чэмпіянату Беларусі, што атрымаў назву "Беларускія лёгкаатлетычныя гульні".

Чэмпіянат Беларусі па лёгкай атлетыцы стаў галоўным стартам гэтага сезона для беларускіх спартсменаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі