20 мая, Мінск /Кар. БЕЛТА/. Вызначаны пераможцы спаборніцтваў у трайным скачку, якія прайшлі 19 мая ў Беларусі, іх анлайн-трансляцыя стартавала ў 18.00, паведамілі карэспандэнту БЕЛТА ў прэс-службе Беларускай федэрацыі лёгкай атлетыкі.
Спаборніцтвы праводзіліся ў асабістым і камандным заліках. У жаночай дуэлі, якая прайшла ў АСК "Брэсцкі", пераможцай з рэзультатам 13,86 м стала Віялета Скварцова. Яе саперніца Аляксандра Малафеева ў лепшай спробе - 13,33 м.
У мужчынскім процістаянні, які стартаваў у сталічным РЦАПе па лёгкай атлетыцы, пераможцам стаў Ягор Чуйко - 15,25 м. Марк Мажэйка стаў другім з рэзультам 15,04 м.
У каманднай барацьбе на першую прыступку п'едэстала з агульным рэзультатам 32,16 м паднялася жаночая каманда (ёй была прадастаўлена фора 4,97 м). Мужчынская каманда ў лепшых спробах сумарна паказала 30,29 м.
За выступленнямі спартсменаў можна было назіраць на YouTube-канале БФЛА AthleticsBY.
Падобныя спаборніцтвы ў штурханні ядра прайшлі 30 красавіка.-0-
