29 ліпеня, Мінск /Кар. БЕЛТА/. Беларуская федэрацыя бокса (БФБ) вызначыла пераможцаў у конкурсе "Лепшы ў боксе", які прайшоў пад эгідай асацыяцыі AIBA. Аб гэтым карэспандэнту БЕЛТА паведаміў выканаўчы дырэктар БФБ Дзяніс Сабалеўскі.
Лепшымі баксёрамі ў катэгорыі "Эліта" сталі Дзмітрый Асанаў і Юлія Апанасовіч. Самым паспяховым трэнерам прызнаны Юрый Чуйко. Сярод моладзі лепшымі БФБ назвала Аляксандра Доўнара і Дар'ю Асмалоўскую. Лепшы ўрач - Жанна Арэхава. Сярод рэферы не было роўных Вячаславу Цітову. Сярод афіцыйных асоб федэрацыя адзначыла Аляксандра Калеева. Спецыяліст па апрацоўцы рассячэнняў Артур Рахацэвіч таксама прызнаны лепшым у сваёй сферы.
Лепшай школай бокса вызначаны ГАЦАР адзінаборстваў. Самым інавацыйным праектам стала Юнацкая ліга бокса.
"Традыцыйна ў ліпені адзначаецца Міжнародны дзень бокса. З-за таго што пандэмія каранавіруса да канца не пераможана, AIBA (Міжнародная асацыяцыя бокса. - Заўвага БЕЛТА) прапанавала нацыянальным федэрацыям вызначыць лепшых на мясцовым узроўні. На падставе крытэрыяў AIBA па кожнай з намінацый выканкам федэрацыі шляхам галасавання выявіў лепшых. Пераможцы атрымалі каштоўныя прызы і дыпломы з подпісам прэзідэнта AIBA Махамеда Мустасана", - сказаў Дзяніс Сабалеўскі.
Цяпер беларускія баксёры знаходзяцца на вучэбна-трэніровачным зборы ў "Стайках". Плануецца, што ў час падрыхтоўкі канчаткова будзе вызначаны склад на вераснёвыя Гульні краін СНД у Казані.-0-
