Сцяг Чацвер, 25 красавіка 2024
Усе навіны
Усе навіны
Спорт
19 снежня 2022, 19:36

Вызначаны пары 1/4 фіналу Кубка Беларусі па міні-футболе

19 снежня, Мінск /Кар. БЕЛТА/. У сталічным Доме футбола прайшла жараб'ёўка чвэрцьфінальных пар 33-га розыгрышу Кубка Беларусі па міні-футболе, паведамляе карэспандэнт БЕЛТА.

Цяперашні ўладальнік Кубка краіны гомельскі БЧ у барацьбе за выхад у студзеньскі "Фінал чатырох" двойчы сустрэнецца з мінскім "Дынама-БНТУ". Фіналіст мінулага турніру яшчэ адзін гомельскі клуб ВРЗ будзе сапернічаць са сталічным "Флэксі". Чэмпіёны Беларусі спартсмены "Сталіцы" згуляюць з брэсцкім "Меркурыем-ДМК". Апанентам аршанскага "Вітэна" будзе мінскі клуб "Ахова-Дынама".

Першыя чвэрцьфінальныя сустрэчы адбудуцца 24-25 снежня, паядынкі ў адказ за выхад у вырашальны этап пройдуць 7-8 студзеня.

"Фінал чатырох" намечана правесці на пляцоўцы мінскага спартыўнага комплексу "Уручча" 14-15 студзеня 2023 года. У вырашальным кубкавым паядынку мінулага сезона БЧ трэці раз заваяваў трафей, атрымаўшы перамогу ў авертайме над землякамі з ВРЗ з рэзультатам 3:2. Часцей за іншых Кубак Беларусі па міні-футболе выйграваў мінскі "Дарожнік", у актыве якога сем перамог. Пяць разоў Кубак краіны заваёўваў сталічны МАПІД.-0-

Падпісвайцеся на нас у
Twitter
Топ-навіны
Свежыя навіны Беларусі