18 сакавіка, Мінск /Кар. БЕЛТА/. Тое, чаго дабілася мінскае "Дынама" ў чэмпіянаце КХЛ, стала вынікам гатоўнасці ўсіх зацікаўленых бакоў працаваць на максімуме. Аб гэтым сёння на падагульняючай прэс-канферэнцыі "Дынама" расказаў журналістам галоўны трэнер хакейнай каманды Крэйг Вудкрафт, паведамляе БЕЛТА.
"Вынік прыйшоў дзякуючы гатоўнасці вучыцца і працаваць на максімуме сваіх магчымасцей. Увесь трэнерскі штаб старанна працаваў дзень за днём для развіцця хакеістаў і выніку каманды", - сказаў Крэйг Вудкрафт.
"У "Дынама" сабралі лепшых маладых ігракоў, якія выступалі ў Беларусі і Паўночнай Амерыцы. Ужо на працягу сезона можна было ўбачыць іх прагрэс. Яны паказалі свой патэнцыял, характар і гульнявыя навыкі", - дадаў галоўны трэнер "зуброў".-0-